बालेनलाई काम गर्न देऊ

स्वदेश होस् या विदेशमा बस्ने अधिकांश युवा अहिले बालेनको समर्थनमा देखिएका छन् । बालेन बोलेका छैनन्, काम गरेर देखाएका छन् । यो नै उनको सकारात्मक पक्ष हो । यदि दलहरूले जनचाहनाअनुसार काम गरेको भए अचानक बालेनको उदय हुने थिएन । युवाहरू उनको काम गराइप्रति सकारात्मक छन् ।

तर, काम गर्छु भनेर आएका एक युवा नेतालाई पुराना दलहरूले किन हतोत्साही बनाउने कोसिस गरिरहेका छन् ? काठमाडौं महानगर राम्रो बन्यो भने प्रधानमन्त्रीलाई मात्रै होइन, सबैका लागि खुसीको कुरा होइन र ? प्रधानमन्त्री जस्तो गरिमामय र जिम्मेवार पदमा बसेका व्यक्तिले नीति निर्माण र जनताको विषयमा सोच्ने कि एउटा बालेनका विरुद्ध छुद्र टिप्पणी गरिरहने ?
– पुरुषोत्तम घिमिरे, जोरपाटी, काठमाडौं