खुट्टा नकमाई दोषीलाई कारबाही होस्

संसदीय विशेष छानबिन समितिले पाँच सहकारीको ६५ करोड ५४ लाख बचत गोर्खा मिडिया नेटवर्कमा अपचलन भएको निष्कर्षसहित कम्पनीका अध्यक्ष जीबी राई, तत्कालीन प्रबन्ध निर्देशक रवि लामिछाने तथा सञ्चालक छविलाल जोशी र कुमार रम्तेलमाथि कारबाहीको सिफारिस गरेको छ । अब हेरौं, गृहमन्त्रीले कारबाही गर्ने आँट देखाउँछन् कि देखाउँदैनन् ।

हिजो जनताले विश्वास गरेका रविको छवि एकाएक धमिलिएको छ । ठगी अभियोग लागेका रवि अब रास्वपाका सभापति रहलान् या पार्टीले उनलाई कारबाही गर्ला, त्यो हेर्न बाँकी छ । जनताले वैकल्पिक पार्टीका रूपमा रास्वपालाई हेरेका थिए । संसदीय निर्वाचनका बेला २१ सिट जितेर चौथो ठूलो दल बन्न सफल भएको रास्वपाको आगामी निर्वाचनमा जनताले के भनेर विश्वास गर्लान् ?

भ्रष्टाचारीलाई कारबाही गर्नुपर्छ भन्ने रविले अब आफूलाई कारबाही गर्नुपर्छ भन्न सक्लान् या अन्य कुनै चाल चाल्ने हुन् । सानालाई ऐन ठूलालाई चैन नहोस् । अपराध गरेपछि जो भए पनि कारबाहीको दायरामा आउनैपर्छ । रवि लामिछाने, छवि जोशी र जीबी राई मात्र होइन अन्य दोषीले पनि सजाय पाउनैपर्छ । विधिको शासन, कानुनी राजको प्रत्याभूति दिलाउन सरकार अग्रसर बन्नुपर्छ । जनतामा छाएको नैराश्य हटाउने समय आएको छ । खुट्टा नकमाई दोषीलाई कारबाही होस् ।
– पुरुषोत्तम घिमिरे, जोरपाटी, काठमाडौं