युवा पलायनको चिन्ता

काम, माम र दामको खोजीमा सङ्ख्याका हिसाबले २०८९/८० को दाँजोमा ०८१ साउनमा सबभन्दा बढी युवा विदेश पलायन भएको तथ्यांकले बताउँछ । यस महिना सबभन्दा बढी संयुक्त अरब (यूएई) मा १७ हजार ५ सय ४१ जना युवा श्रम स्वीकृति लिएर रोजगारीका लागि गएका छन् । साउदी अरेबिया ११ हजार ८ सय ९, कतारमा ११ हजार ७ सय ८५, कुवेतमा ४ हजार ६ सय ९५ युवा रोजगारीका लागि पुगेका छन् ।

रोमानियामा २ हजार २ सय ९८, मलेसियामा १ हजार ३ सय ४४, जापानमा १ हजार ५ सय ७२, माल्दिभ्समा ८ सय ७८ र बहराइनमा ७ सय ९० युवा कामको खोजीमा पुगेका छन् । २०७८ को जनगणनाअनुसार २ करोड ९१ लाख ६१ हजार जनसंख्या भएको मुलुकबाट घरपरिवार छाडेर विदेश जाने युवाको यसरी लर्को लागेको देख्दा अब नेपालमा युवा नै नरहने हुन् कि भन्ने सबैले महसुस गर्न थालेका छन् ।

उद्योग, कलकारखाना खोलेर व्यावसायिक रूपमा आफ्नै देशमा गरिखाने वातावरण भइदिएको भए यतिका युवा विदेशिने थिएनन् । राज्यले नेपालमै गरिखाने वातावरण बनाउन नसक्दाको परिणाम हो यो ।
– तिलप्रसाद न्यौपाने, माछापोखरी चोक, काठमाडौं