बधाई पलेशा

यसले सारा नेपालीलाई खुसी दिएको छ । सँगै केही प्रश्न खडा भएका छन् । खेलमा सम्मिलित हुनु मात्र हाम्रो उद्देश्य हो वा जित्नु पनि ? यदि खेल जित्नु नै उद्देश्य हो भने खै त खेलाडी अनि खेलकुद संरचनामा लगानी ? आज हामी महिला खेलाडीमा त्यति नै सम्भावना पाउँछौं, जति पुरुष खेलाडीमा छ ।

अस्ति मात्र भएको महिला भलिबल होस् वा महिला क्रिकेट, हामी जितका नजिक पुगेका छौं । अझ महिला फुटबलमा त हाम्रा छोरीहरू विदेशी क्लबमा राम्रो स्थानमा खेलिरहेका छन् । अब सरकारले विभेदलाई चिर्दै खेलमा लगानी बढाउनुपर्छ । महिला हुन् या पुरुष, यी राष्ट्रका गहना हुन् । यिनको संरक्षणमा उचित व्यवस्थापनसँगै खेलपश्चात्को रोजगारीको ग्यारेन्टी गर ।
– रामकृष्ण बराल, जोरपाटी, काठमाडौं