तीजको महत्त्व घट्दो

दर खाने भनेको तीजको अघिल्लो दिन माइतीघरमा गएर दिदीबहिनी मिलेर मीठोमसिनो खाने परम्परा हो । अहिले त फेसन बनेको छ, तीजको दर खाने । पहिले तीजका गीत सुन्दा आँखा रसाउँथे, परिवार सँगै बसेर हेर्न, सुन्न सकिन्थ्यो । अहिले गीतमा पनि विकृति भित्रिएको छ ।

तीन दिन माइत जान्छु भन्दा पनि घरबाट जान नदिने चेलीलाई तीजको महत्त्व थाहा होला, घरभन्दा बढी माइती बस्ने चेलीलाई के थाहा तीजको महत्त्व ? यस्तै रहने हो भने आउने पिँढीले दर भनेको होटल, रेस्टुरेन्टमा गएर खाने भनेर बुझ्नेछन् । हामीले आफ्नो मौलिक चाडपर्व र तिनको परम्परा नभुलौं ।
– पुरुषोत्तम घिमिरे, जोरपाटी, काठमाडौं