भारतको उदाहरणीय काम

नेपाली श्रम गर्न खाडी देश गएका छन् । उनीहरूले पठाएको रेमिट्यान्सले देशको आधा अर्थतन्त्र धानेको छ । ती गरिबका छोराछोरीको केही कारण विदेशमै मृत्यु भयो भने उनीहरूको शव ६ महिनासम्म नेपाल आउँदैन । यही हो नेपाल सरकारको दायित्व ? घटना भएको दुई दिनमा भारत सरकारले आफ्ना नागरिकको शव उसको देश लग्यो ।

भारतले गरेको राम्रो कामको अनुसरण गर्दा केही फरक पर्दैन । विरोधका लागि विरोध होइन, राम्रो काम जोबाट सिके पनि भयो । महँगी बढेका बेला भारत सरकारले जनतालाई राहत दिन्छ, खोइ नेपाल सरकारले जनतालाई राहत दिएको ? तन्त्रको परिवर्तनले मात्र केही हुँदैन, देशको शासन सत्ता चलाउनेको सोचमा परिवर्तन आउनुपर्ने रहेछ ।
– पुरुषोत्तम घिमिरे, जोरपाटी, काठमाडौं