एउटा रेल
छ अनुपस्थित
नभएको रेलमा
यात्रा गर्नुको
आफ्नै खालको
हुन्छ आनन्द
त्यो गन्तव्यमा
पुगेन भने
पुर्याउन सकिन्छ
हो, टाढासम्म
पुग्न सकिन्छ
त्यो रेलबाट
रेलमा धेरै
मानिसहरुसँग
हुने गर्छ भेटघाट
र भेटघाट भनेको
होइन केवल भेटघाट
वास्तवमा हो यो
संसारभरिका
जान–अनजान
साथीहरुसँगको
परिचयको विस्तार
(महाविस्तार नै भन्नोस्)
र यहींबाट हुन्छ
आरम्भ
एक प्रकारको गति
अरु गति
अरु–अरु गति
अरु– अरु– अरु गति
अर्थात् सङ्घर्ष
अर्थात्, अर्थात् समग्रमा
जीवन
एउटा सङ्घर्षशील
कविको जीवन
र यही नै रेलको
एक मात्र अर्थ
हो मेरा लागि
भलै त्यो
अनुपस्थित नै
किन नहोस् !
मेरो जीवनमा
अनुपस्थित छ
एउटा रेल
प्रकाशित : भाद्र २९, २०८१ ०७:५६