‘नेपथ्य’ले गर्‍यो अमेरिकामा पाँचौ कार्यक्रम 

दुई घन्टासम्म चलेको कार्यक्रममा नेपथ्यले ‘कोशीको पानी यो जिन्दगानी’, ‘शिरफूल शिरैमा’, ‘नैनताल’, ‘पचासै वर्षमा’, ‘छेक्यो छेक्यो’, ‘जोमसोमे बजारमा’, ‘रेशम’, ‘तालको पानी’ जस्ता नयाँ तथा पुराना गीतहरू प्रस्तुत गरेको हो ।

कार्यक्रममा मुख्य गायक अमृत गुरुङलाई ड्रमसेटमा ध्रुव लामा, बेस गितारमा सुबिन शाक्य, गितारमा निरज गुरुङ, मादलमा शान्ति रायमाझी र किबोर्डमा दिनेशराज रेग्मीले सघाएका थिए । नेपथ्यको प्रस्तुति हेर्नका लागि कतिपय दर्शक–स्रोता राजधानी वासिङ्टन डिसीदेखि पनि पुगेका थिए ।

नेपथ्यको यसवर्षको अमेरिका यात्राका क्रममा चारवटा कार्यक्रम सम्पन्न गरिसकेको छ । ब्यान्डले आफ्नो पाँचौ प्रस्तुति न्यूयोर्कमा गर्नेछ । कार्यक्रम अगस्ट ३० मा म्यानहटनको फिफ्टी सिक्स्थ स्ट्रिटस्थित ‘टर्मिनल फाइभ’ हलमा हुँदै छ ।

ब्यान्डले न्युयोर्कपछि मेरिल्यान्ड र अन्त्यमा पेन्सिलभेनियाको ह्यारिसबर्गमा प्रस्तुत गरेपछि यस वर्षको शृंखलाबद्ध यात्रा सम्पन्न हुनेछ ।