पक्राउ परेका युवाहरुलाई रिहाई गर्न माग गर्दै धर्ना

बिहान करिब ११ बजे जिल्ला प्रशासन कार्यालय पुगेका युवाहरु धर्नामा बस्न थालेपछि प्रहरीले रोकेको हो । प्रहरीले धर्नामा बस्न नदिएपछि युवाहरु प्रहरी नभएको स्थानमा भेला भएका थिए । प्रशासन कार्यालय आसपास क्षेत्रमा व्यापक रुपमा प्रहरी परिचालन गरिएको थियो ।

गत बिहीबार स्थानीय केही युवाहरुले प्रशासनको अनुमतिबिना जबरजस्ती मत्स्येन्द्रनाथको रथ तानेपछि ललितपुरको पुल्चोक दिनभर तनावग्रस्त बनेको थियो । केही युवाले ट्राफिक प्रहरीलाई समेत कुटपिट गरेका थिए । कुटपिटमा उत्रिएका केही युवाहरुलाई प्रहरीले पक्राउ गरी सार्वजनिक मुद्दा अभियोगमा हिरासतमा राखेको छ ।