मनमैंजु च्याम्पियन, सुजिन र प्राश्ना उत्कृष्ट

नेपाल वादोरियो कराते डो संघको प्राविधिक सहयोग तथा नेपाल वादोरियो कराते डो संघ टोखा डोजोद्वारा आयोजित प्रतियोगितामा गोदावरी डोजो ३ स्वर्ण, ५ रजत र ४ कांस्य जित्दै दोस्रो भयो । गोंगबु डोजोले ३ स्वर्ण, ३ रजत र २ कांस्य जितेर तेस्रो स्थान हात पारेको थियो ।

पुरुषमा टोखा भैरवका सुजिन तामाङ र महिलामा योङ हार्ट्सकी प्राश्ना केसी उत्कृष्ट खेलाडी घोषित भए । पशुपति डोजो अनुशासित टिम ठहरियो ।

विजेतालाई प्रदेश खेलकुद विकास बोर्ड कोशीका सदस्य–सचिव कृष्ण बस्नेत, नेपाल वादोरियो कराते डो संघका अध्यक्ष एवं नेपाल कराते महासंघका वरिष्ठ उपाध्यक्ष हरिशरण केसीलगायतले पुरस्कृत गरे । टोखा नगरपालिकाको सहयोगमा भएको प्रतियोगितामा २५ टिमका ३ सय ५० खेलाडीले २१ स्पर्धामा प्रतिस्पर्धा गरेका थिए ।