२७.१२°C काठमाडौं
पोखरा — लामाचौरमा भइरहेको लामाचौर कप भलिबलमा महिलातर्फ न्यु डायमन्ड स्पोर्ट्स क्लबले गण्डकी प्रदेश (तस्बिरमा)लाई ३–० को सोझो सेटमा पराजित गरेको छ । डायमन्डले २५–१३, २५–१६, २५–१६ ले जित पाएको थियो । लगातार दुई खेल जितेको डायमन्डले ६ अंक जोडेको छ ।
एपीएफले एभरेस्ट भलिबललाई २५–१०, २५–११, २५–१३ ले हरायो । एपीएफको पनि दोस्रो जित हो । गण्डकी र एभरेस्ट अंकविहीन छ ।
पुरुषतर्फ नेपाल पुलिस क्लबले ट्राभल इन्क्वाइरी गल्कोटलाई २५–१२, २५–१७, २५–२२ ले हराएको थियो । पुलिसको यो दोस्रो जित हो ।
प्रकाशित : भाद्र २०, २०८१ ०६:२९
