बझाङ पहिरो : सुदूरपश्चिम सरकारले मृतक परिवारलाई एक लाख रुपैयाँ दिने
Highlights
- प्रदेश सरकारद्वारा नगद राहतको घोषणा
धनगढी — सुदूरपश्चिम प्रदेश सरकारले बझाङमा आइतबार राति पहिरोमा परी ज्यान गुमाएका मृतक परिवारलाई प्रतिव्यक्ति एक लाख रुपैयाँ राहत रकम उपलब्ध गराउने जनाएको छ ।
मुख्यमन्त्री कमलबहादुर शाहले सोमबार एक विज्ञप्ति जारी गर्दै राहत रकम उपलब्ध गराउने जानकारी गराएका हुन् ।
बझाङको बुंगल नगरपालिका–१० टुमेडा गाउँका वीरबहादुर धामीको घर पहिरोले बगाउँदा उनकी श्रीमती काली धामी, जेठी बुहारी २५ वर्षीया गोल्की धामी, नातिनी ६ वर्षीया आकृति धामी, अर्की नातिनी ३ वर्षीया लक्ष्मी धामीको मृत्यु भएको थियो ।
९ जना रहेको धामी परिवारका अन्य ५ जना भने बाँच्न सफल भएका थिए ।
प्रकाशित : भाद्र ३, २०८१ १५:३०