कालिकोट — पहिरोले अवरुद्ध कर्णाली राजमार्ग सुर्खेत-जुम्ला सडक १८ घण्टापछि सञ्चालनमा आएको छ । सडक डिभिजन कार्यालय जुम्लाले पहिरो पन्छाएपछि सडक खुलेको हो ।
शनिबार खसेको पहिरोले हुल्म, यस मोड, गगने खोलामा सडक अवरुद्ध भएको थियो । सडक दिउँसोदेखि सञ्चालनमा आएको जिल्ला ट्राफिक कार्यालय मान्मका इन्चार्ज टोपबहादुर महताराले बताए।
उनकाअनुसार साँघुरो सडक भएकाले एकातर्फका गाडी पास भएपछि अर्कोतर्फका गाडी पठाइनेछ । बिहानैदेखि यस खण्डमा ३ सय बढी गाडी अलपत्र थिए ।
प्रकाशित : भाद्र २३, २०८१ १६:२९