![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/ekantipur900x100-3082024084948.gif)
गोरखा — गोरखा नगरपालिका–६ पाटेचौरस्थित निर्माणाधीन घरको छतमा आल्मुनियमको काम गर्ने क्रममा करेन्ट लागेर दुई जना घाइते भएका छन् ।
![](https://assets-cdn.ekantipur.com/uploads/source/ads/comp-900x100-1672024010950.gif)
गोरखा नगरपालिका–९ लक्ष्मीबजारका २४ वर्षीय सुनिल मगर र भारत घर भई गोरखा नगरपालिका–६ को प्रिन्स ग्रील उद्योगमा काम गर्ने २८ वर्षीय अर्मन खान घाइते भएको प्रहरीले जनाएको छ ।
बिहीबार रेलिङ हाल्ने क्रममा फलामको रडमा घर नजिकै रहेको बिजुलीको नाङ्गो तारमा छुन गई करेन्ट लाग्दा उनीहरु घाइते बनेको जिल्ला प्रहरी कार्यालयका डीएसपी रमेश कुमार श्रेष्ठले जानकारी दिए ।
घाइते सुनिल मगरको गोरखामा सामान्य उपचार पश्चात थप उपचारका लागि चितवनको पुरानो मेडिकल कलेज भरतपुर रेफर गरिएको छ । अर्मन खानको भने स्थानीय स्वास्थ्य संस्थामा उपचार भइरहेको छ । घटनाको थप अनुसन्धान भइरहेको प्रहरीले जनाएको छ ।
![](https://assets-cdn.ekantipur.com/uploads/source/ads/900-x-100-1-0282024055738.gif)