हेटौडा — चौध किलो लागुऔषध चरेशसहित मकवानपुर प्रहरीले धादिङ जिल्लाका दुई जनालाई पक्राउ गरेको छ । हेटौंडा उपमहानगरपालिका- १५ रातोमाटे चेकपोष्टका प्रहरीले गजुरी गाउँपालिका-८ का ४२ वर्षिय केदार तामाङ र सोही स्थान बस्ने ३६ वर्षिय सुकमान तामाङलाई पक्राउ गरेको हो ।
हेटौंडाबाट पथलैयातर्फ गईरहेको ना ७ ख ६०६१ नम्बरको यात्रुवाहक बसलाई रातोमाटे चेकपोष्टका प्रहरीले रोकेर जाँच गर्ने क्रममा बसमा सवार तामाङद्धयको शरीर र झोला खानतलासी गर्दा १४ केजी चरेश फेला परेको जिल्ला प्रहरी कार्यालय हेर्टौडा प्रहरी नायव उपरीक्षक एवं प्रवक्ता लक्ष्मी भण्डारीले बताए । प्रहरीले तामाङद्वयलाई नियन्त्रणमा लिई मकवानपुर जिल्ला अदालतबाट १० दिनको म्याद थप गरी अनुसन्धान गरिरहेको छ ।