पासपोर्टविनै घुमिरेहका बंगलादेशी नागरिक पक्राउ 

उनलाई बुधबार राति करिब सवा १० बजेको समयमा वीरगन्ज महानगरपालिका–१६ स्थित आर्यन होटल एण्ड लजको कोठा नम्बर २०२ बाट प्रहरीले नियन्त्रणमा लिएको हो ।

चाडपर्वलाई लक्षित गरी वीरगन्जस्थित होटलहरूको चेकजाँच गर्ने क्रममा ती बंगलादेशी नागरिकलाई फेला पारी सोधपुछ गर्दा उनको साथमा पासपोर्ट भिसा लगायत आवश्यक कागजपत्रहरू नरहेका कारण आवश्यक कारबाहीको लागि बिहीबार अध्यागमन कार्यालय वीरगन्ज पर्सामा बुझाइएको पर्सा प्रहरीका प्रवक्ता डीएसपी दीपक भारतीले जानकारी दिए ।