टाटा सुमोसँग ठोक्किँदा मोटरसाइकलमा सवार दुई जनाको मृत्यु

चन्द्रपुर-४ स्थित धन्सार पुल नजिक पश्चिमबाट पूर्व जाँदै गरेको बाग्मती प्रदेश ०३–००१ च ५३१ नम्बरको टाटा सुमो र पूर्वबाट पश्चिमतर्फ जाँदै गरेको प्रदेश १–०२–०४३ प ८०२५ नम्बरको मोटरसाइकल एक आपसमा ठोक्किँदा मोटरसाइकलमा सवार सुनसरीको धरान उपमहानगरपालिका–१५ का ३३ वर्षीय तुलसी ओझा र मोरङ्गको सुन्दरहरैँचा नगरपालिका–११ का बिबस बाँस्कोटाको मृत्यु भएको इलाका प्रहरी कार्यालय चन्द्रनिगाहपुरका डीएसपी राजकुमार राईले जानकारी दिए।

दुर्घटनामा दुबैजना गम्भीर घाइते भएका थिए । दुवैलाई उपचारको लागि चन्द्रनिगाहपुरस्थित सिभिल अस्पतालमा उपचारका लागि ल्याउँदा चिकित्सकले मृत घोषणा गरेको डीएसपी राईले बताए । टाटा सुमो इलाका प्रहरी चन्द्रिनिगाहपुरको नियन्त्रणमा रहेको छ भने चालक फरार रहेका छन् ।

मृतक दुवैको शव पोष्टमार्टमका लागि प्राथमिक स्वास्थ केन्द्र चन्द्रनिगाहपुरमा पठाइएको छ ।