निगमको उडान रद्द भएपछि काठमाडौं विमानस्थलमा अलपत्र यात्रुहरु [तस्बिरहरु]

जहाजको कमीका कारण निगमले एक सातायता नियमित उडानहरु रद्द गर्ने, मर्ज गर्ने, ढिलाइ गर्दै आइरहेको छ । विमानस्थलस्थित निगमको कार्यालयका अनुसार, बुधबार राति १०:२५ को काठमाडौं-दमाम उडान रद्द भएको छ । यो उडान रद्द भएसँगै दुबैतर्फ रोकिएका ३ सय यात्रु अलपत्र परेका छन् । ‘आजको दमाम उडानलाई बिहीबार बिहान १०:३० मा रिसेडियुअल गरिएको छ,’ मार्केटिङ विभागका एक अधिकारीले भने,‘काठमाडौं र दमाममा रोकिए यात्रुलाई होटलमा राख्ने, विमानस्थल आइनसकेकालाई फोन गरेर भोलि बोलाइएको छ ।’