धोबीखोलाले बगायो ट्याक्सी, चालक सकुशल

ट्याक्सीमा सवार चालक ३३ वर्षीय उर्गेन लामालाई भने सकुशल उद्धार गरिएको छ । खोलाले बगाएको ट्याक्सी थापाथलीस्थित वाग्मती नदी र धोवीखोलाको दोभानमा भेटिएको छ ।

ट्याक्सीलाई दोभानबाट बाहिर निकाल्ने प्रयास भइरहेको काठमाडौं उपत्यका प्रहरी कार्यालयले जानकारी दिएको छ ।

आइतबार साँझ काठमाडौं उपत्यकामा भारी वर्षा भएपछि नदी तथा खोलामा पानीको सतह बढेको छ ।