राजदूत समावेशी नभएकामा परराष्ट्रमन्त्रीले संसदीय समितिमा भनिन्, 'आई एम सरी'

प्रतिनिधिसभाअन्तर्गतको अन्तर्राष्ट्रिय सम्बन्ध तथा पर्यटन समितिको मंगलबारको बैठकमा मन्त्री राणाले राजदूत सिफारिस गर्दा दलित, मधेशी, मुस्लिम समुदायको प्रतिनिधित्व गर्न नसकेकोमा क्षमा मागेकी हुन् ।

सांसदहरूले राजदूत समावेशी नभएको भन्दै परराष्ट्रमन्त्रीलाई प्रश्न गरेका थिए । जवाफमा उनले भनिन्, 'राजदूत नियुक्ति समावेशी भएन, अर्को नियुक्तिमा दलित र मुस्लिमलाई ल्याउने छौं । यसपटक समावेशी भएन, आई एम सरी !'

१७ मुलुकका लागि राजदूत प्रस्ताव गर्दा दलित, मधेशी र मुस्लिम समुदायबाट एक जना पनि सिफारिस नगरेको भन्दै सरकारमाथि प्रश्न उठेको छ । राजदूतहरूको सुनुवाइ चलिरहेको छ ।

परराष्ट्रमन्त्री राणाले दुई मुलुकमा राजदूत नियुक्तिका लागि ठाउँ खाली रहेको बताउँदै ती देशमा दलित र मुस्लिम समुदायबाट सिफारिस गर्ने प्रतिबद्धता जनाइन् ।