![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/ekantipur900x100-3082024084948.gif)
काठमाडौँ — अभिनेता विपिन कार्कीलाई मातृशोक परेको छ । मिर्गौलासम्बन्धी समस्याबाट जुधिरहेकी विपिनकी आमा सरस्वती कार्कीको उपचारका क्रममा बिहीबार बिहान पाटन अस्पतालमा निधन भएको हो ।
![](https://assets-cdn.ekantipur.com/uploads/source/ads/comp-900x100-1672024010950.gif)
७२ वर्षीया कार्कीलाई एक हप्तादेखि नै आईसीयूमा राखिएको थियो । आमालाई भेन्टिलेसनमा राखेको खबर पाउनसाथ विपिन छायांकनरत 'ऊनको स्विटर'को सेटबाट सीधै काठमाडौं आएका थिए ।
'छायांकनमा हुँदै आमालाई भेन्टिलेसनमा राखेको खबर आयो । त्यसपछि सुटिङ थाँती राखेर उहाँलाई काठमाडौं फर्कायौं । आमा आज बिहान ६ बजे बित्नुभयो,''ऊनको स्विटर'का निर्देशक नवीन चौहानले बताए । पशुपति आर्यघाटमा अहिले आमाको अन्तिम संस्कार भइरहेको चौहानले बताए ।
![](https://assets-cdn.ekantipur.com/uploads/source/ads/900-x-100-1-0282024055738.gif)