नेपाली सुटिङ खेलाडी सुस्मिता नेपालले पेरिस ओलम्पिक खेल्ने भएकी छन् । उनले फ्रान्सको राजधानी पेरिसमा जुलाई २६ देखि अगस्ट ११ सम्म हुने ३३ औं ग्रीष्मकालीन ओलम्पिकका लागि स्थान पक्का गरेकी हुन् ।
टिपटप हेल्प नेपाल स्पोर्टस क्लब र नेपाल पुलिस क्लब आठौं प्रधानमन्त्री कप एनभीए महिला तथा पुरुष भलिबल लिग च्याम्पियन भएका छन् ।त्रिपुरेश्वरस्थित राखेप कभर्डहलमा शनिबार सम्पन्न लिगको फाइनलमा दुवै टोलीले उपाधि रक्षा गरे । हेल्प नेपालले पुरुष र पुलिस क्लबले महिलातर्फको उपाधि जितेका थिए ।
पछिल्लो ६ महिनामा नेपाली करातेले एकपछि अर्को सफलता चुमेको छ । गत असोजयता चार ठूला अन्तर्राष्ट्रिय प्रतियोगितामा जितेका पदक नेपाली करातेका लागि ऐतिहासिक सफलता हो । यस अवधिमा नेपाली करातले १९ औं एसियाली खेलकुदको रजत, १० औं सितोरियो कराते वर्ल्ड च्याम्पियनसिप (जकार्ता) मा १ स्वर्ण, ३ रजत र ५ कांस्य, यूएसए ओपन तथा जुनियर इन्टरनेसनल कराते च्याम्पियनसिपमा १/१ स्वर्ण र रजतका साथै सातौं दक्षिण एसियाली कराते च्याम्पियनसिपमा ३० स्वर्ण, २४ रजत र ७ कांस्य पदक भित्र्याइसकेको छ ।
नेपाली ब्याडमिन्टनका युवा स्टार प्रिन्स दाहालले पेरिस ओलम्पिक २०२४ खेल्ने भएका छन् । नेपाली खेलकुदमा लामो इतिहास बोकेको ब्याडमिन्टन खेलले पहिलोपल्ट ओलम्पिकमा भाग लिने अवसर पाएको छ । जुनियर विश्व ब्याडमिन्टन वरीयताको पहिलो स्थान पुगेर इतिहास रचिसकेका प्रिन्सले फेरि अर्को इतिहास बनाएका छन् ।
नेपाली ब्याडमिन्टनका युवा स्टार प्रिन्स दाहालले पेरिस ओलम्पिक २०२४ खेल्ने भएका छन् । नेपाली खेलकुदको लामो इतिहास बोकेको ब्याडमिन्टनले पहिलोपल्ट ओलम्पिक खेल्ने लागेको हो । जुनियर विश्व ब्याडमिन्टन वरीयताको पहिलो स्थान पुगेर इतिहास रचिसकेका प्रिन्सले फेरि अर्को इतिहास बनाएका छन् ।
सुदूरपश्चिम प्रदेशका आशिष महरले दशरथ रंगशालाको ट्र्याक एन्ड फिल्डमा बिहीबार जुनियरतर्फको ३६ वर्ष पुरानो राष्ट्रिय कीर्तिमान तोडेका छन् ।उनले त्यो कीर्तिमान छात्र ट्रिपलजम्पमा बनाए ।
आरबीबी–एनभीए महिला तथा पुरुष भलिबल च्याम्पियनसिपको आठौं संस्करणमा टिपटप हेल्प नेपाल क्लबले उपाधि रक्षा गर्दा बुटवलको एभरेस्ट भलिबल क्लब पहिलोपल्ट च्याम्पियन बनेको छ ।
पारा तेक्वान्दो खेलाडी पलेशा गोबर्धनले चीनको ताइयाङमा आयोजित एसियाली पारा ओलम्पिक छनोट प्रतियोगिताको फाइनलमा इरानकी प्रतिद्वन्द्वी लीला मिर्जाइलाई हराउँदै आइतबार स्वर्ण पदक मात्र जितिनन्, सन् २०२४ मा हुने पेरिस पारालम्पिकमा छनोट भएकी छन् ।
‘मेरो अहिलेसम्मको खेलयात्रामा परिवार अर्थात बाआमाको ठूलो योगदान छ । मेरो खेलकै लागि भनेर नेपालमा आमाले बिहानदेखि पूजापाठ गर्नुभएको थियो ।’ कराते खेलाडी एरिका गुरुङले १९ औं एसियाली खेलकुदमा शनिबार साँझ रजत पदक चुमेपछि यस्तो भनेकी थिइन् ।