कान्तिपुर वेबसाईट
AdvertisementAdvertisement
२८.१२°C काठमाडौं
काठमाडौंमा वायुको गुणस्तर: ९९

सञ्जयको टिमले जित्यो प्रिमियर प्रोएम

काठमाडौँ — प्रो गल्फर भुवन नगरकोटीको टिमले सूर्य नेपाल प्रिमियर गल्फ च्याम्पियनसिपको प्रो एम उपाधि जितेको छ ।

सञ्जयको टिमले जित्यो प्रिमियर प्रोएम

गोकर्ण गल्फ क्लबमा स्टेबलफोर्ड फुल ह्यान्डीक्याप फर्म्याटमा भएको प्रतिस्पर्धामा प्रो भुवनले ४१, एमेच्योरहरू विनोद श्रेष्ठ, जयवीर आचार्यले ३९, तारा कार्की चित्रकारले ३८ गरी कुल १५७ स्कोरमा उपाधि जितेको हो ।

१ सय ५१ अंक सहित प्रो जयराम श्रेष्ठको टिम दोस्रो भयो । जयरामले ४०, एमेच्योर इदान्त सिंह साउदले ३८, पवित्रकुमार कार्कीले ३७ र फुर्साङ लामाले ३६ स्कोर जोडेका थिए ।

प्रो सञ्जय लामाको टिमले १ सय ४२ स्कोरहित तेस्रो स्थान ओगट्यो । सञ्जयले ३९, एमेच्योर गल्फरहरू सद्भाव आचार्य र रवीन्द्र तिवारीले समान ३६ र लीलाजंग कार्कीले ३५ स्कोर जोडेका थिए ।

महिलातर्फ उत्कृष्ट स्कोरको आधारमा तारा कार्कीले उपाधि जितिन् । उनले ३८ अंक बनाएकी थिइन् । सद्भावले लङ्गेस्ट ड्राइभ र निश्चलजंग रायमाझीले क्लोजेस्ट टु द पिनको उपाधि जिते । टंकबहादुर कार्कीले होल नम्बर ८ मा होल इन वान गरेका थिए ।

प्रतियोगितामा २५ प्रोसहित कुल १ सय ४० खेलाडी प्रतिस्पर्धी थिए । विजयी खेलाडीलाई सूर्य नेपाल प्रालिका म्यानेजिङ डाइरेक्टर रवि रायवरम, मार्केटिङ उपाध्यक्ष दीप्रा लाहिरी, एनपीजीएका अध्यक्ष रवीन्द्रमान श्रेष्ठ, नेपाल गल्फ संघका अध्यक्ष टासी घले, गोकर्ण गल्फ क्लबका अध्यक्ष सुहृद घिमिरे र क्याप्टेन जोसेफ नाथनले पुरस्कार प्रदान गरे ।

शुक्रबार सुवास तामाङले १६ अन्डर २७२ को स्कोरमा सूर्य नेपाल प्रिमियर गल्फको उपाधि जितेका थिए । सुवासको प्रो टर्न भएपछि यो पहिलो उपाधि थियो । उनले सूर्य नेपाल गल्फ टुरमा ६ प्रतियोगिता जितिसकेका छन् । भुवन नगरकोटी र नीरज तामाङ संयुक्त रूपमा दोस्रो भएका थिए ।

प्रकाशित : असार ८, २०८१ १८:०९
प्रतिक्रिया
पठाउनुहोस्
जनताको राय

उपसभामुख इन्दिरा रानाले डेढ वर्षअघि पदीय मर्यादाविपरीत अमेरिकी राजदूतावासलाई पत्र लेखेको सार्वजनिक भएको छ । यसबारे तपाईंको धारणा के छ ?

×