वडा कार्यालय टाढा भएपछि टोलमै सेवा कार्यालय

उनले भने, 'आपटारमा अस्थायी सेवा कार्यालय स्थापना गरेका छौँ । यहाँबाट साविकका वडा नं. ८ र ९ का स्थानीयवासीलाई वडा कार्यालयको सेवा लिन सहज हुनेछ । हामी हरेक महिनाको तीन दिन यहाँबाट सेवा प्रवाह गर्छौँ ।'

स्थानीय पशुपति प्रजा प्राविमा सेवा कार्यालय स्थापना गरिएको वडाध्यक्ष थापाले बताए । ‘यस क्षेत्रका स्थानीयवासीलाई पातीस्वाँरामा रहेको वडा कार्यालय पुग्न दुई घण्टा बढी समय लाग्छ,’ उनले भने, ‘सेवा प्रवाहमा सहजताका लागि कार्यालय स्थापना गरेका हौँ ।’

परीक्षणकालको रुपमा हाल तीन दिन आँपटारबाट सेवा प्रवाह हुने उनले बताए । महिनाको ५, १५ र २५ गते तीन सेवा कार्यालयबाट सेवा दिइने गरी व्यवस्थापन मिलाइएको छ ।

‘तोकिएको दिन सार्वजनिक बिदा परे त्यसको भोलिपल्ट सेवा दिन्छौँ,’ उनले भने । सेवा कार्यालयका लागि गाउँपालिकाले कम्प्यूटर तथा फर्निचरको सामाग्री उपलब्ध गराएको थापाले बताए ।

‘वडाले दिने हरेक काम सेवा कार्यालयबाट हुन्छ,’ उनले भने,‘टोल सुधार, वडा समितिको निर्णय गराएर कार्यपालिकाबाट अनुमोदन गरी सेवा थालेका हौँ ।’ उक्त सेवा कार्यालयबाट आँपटार, दलभञ्ज्याङ, गोर्दी, फुर्के डाँडा, भलायोडाँडा लगायतका क्षेत्रका वासिन्दालाई सहज हुने अपेक्षा गरिएको छ ।

सेवा कार्यालयको आइतबार गाउँपालिका अध्यक्ष दिपक तिमल्सिना, उपाध्यक्ष ललिता अधिकारीको उपस्थितिमा उद्घाटन गरिएको छ ।