गोतामे पत्रकारिता स्वर्ण पदक बद्री बिनोदलाई

प्रतीकलाई एक तोला सुनको स्वर्ण पदक सहित सो पुरस्कारबाट सम्मानित गरिएको छ । कार्यक्रममा वीरगन्ज महानगरपालिकाका मेयर राजेशमान सिंहले प्रतीकलाई पुरस्कार प्रदान गरेका थिए ।

मेयर सिंहले मर्यादित पत्रकारिता आजको आवश्यकता रहेको बताए । उनले पत्रकारिता सधैं निष्पक्ष र स्वतन्त्र हुनुपर्ने बताउँदै जनप्रतिनिधिले गरेका नराम्रा काम मात्र नभई राम्रा कामको पनि सञ्चारमाध्यमले लेखिदिनुपर्ने बताए ।

सो अवसरमा विगतमा आफू र गौतम दुवै एउटै साप्ताहिक ‘मातृभूमि’ काम गरेको स्मरण गर्दै पुरस्कृत पत्रकार प्रतीकले तत्कालिन पन्चायत शासकले २०१८ सालमा काठमाडौंमा बन्द गराएको साप्ताहिक पत्रिका पछि वीरगन्जबाट प्रकाशित हुन थालेको बताए ।

पत्रकार एवम् विश्लेषक चन्द्रकिशोरले ‘संजय’ उपनामले पनि समाचार र लेखरचना लेख्ने गरेका गौतमले सँधै जनताको पक्षमा कलम चलाएको स्मरण गरे ।

प्रतिष्ठानका अध्यक्ष जगदीश प्रसाद शर्माले मर्यादित पत्रकारिता अहिलेको आवश्यकता बन्दै गएको बताए ।