दाङ — घोराही-लमही सडकखण्डअन्तर्गत लमही नगरपालिका-६ बेलदमारमा मोटरसाइकल दुर्घटना हुँदा दुई जनाको मृत्यु भएको छ ।
लमहीबाट घोराहीतर्फ जाँदै गरेको रा ८ प २९४० नम्बरको मोटरसाइकल बिहीबार बिहान पल्टिँदा चालक घोराही उपमहानगरपालिका-१८नवलपुरका २२ वर्षीय श्रवनकुमार पुन र मोटरसाइकलमा सवार घोराही-४ का २१ वर्षीय विनोद केसीको मृत्यु भएको हो ।
दुर्घटनामा घाइते दुवै जनालाई उपचारका लागि लमही अस्पताल लगेकोमा डाक्टरले मृत घोषणा गरेको जिल्ला प्रहरी प्रवक्ता डीएसपी रामप्रसाद तिमल्सिनाले बताए ।
प्रकाशित : आश्विन ३, २०८१ ०९:५२