तीन महिनापछि निगमको काठमाडौं-ताप्लेजुङ उडान

निगमका ताप्लेजुङ कार्यालय प्रमुख नारायणकुमार कार्कीका अनुसार जेठ ११ गतेपछि भएको पहिलो उडान हो । अहिले ताप्लेजुङ–काठमाडौं उडान सातामा एकदिन बुधबार मात्रै रहेको छ । यात्रुको संख्या बढे उडान तालिका थप गर्ने कार्कीले बताए । यसअघि सातामा चार वटासम्म उडान गरेको थियो ।

निगमले काठमाडौंबाट १३ र ताप्लेजुङबाट १६ जनासम्म यात्रु उडाउने गरेको छ । काठमाडौंबाट फ्युल भरेर आउनुपर्ने भएकाले यात्रु कम हुने तर ताप्लेजुङबाट फर्कंदा फ्युल घट्ने भएकाले यात्रु बढ्ने निगमले जनाएको छ । भाडादर भने एकतर्फी ९ हजार ४ सय रुपैयाँ रहेको छ ।