ओली सरकारको विपक्षमा मतदान गर्नुपर्ने राप्रपा निर्देशन समितिको ठहर

राप्रपा प्रवक्ता एवं प्रचार विभाग प्रमुख मोहनकुमार श्रेष्ठले विज्ञप्ति जारी गर्दै निर्देशन समितिको एमाले र कांग्रेस गठबन्धनका गतिविधि विश्लेषण गरेपछि विपक्षमा मतदान गर्नुपर्ने ठहर गरिएको उल्लेख छ ।

एमालेका अध्यक्ष ओली नेतृत्वमा कांग्रेससहितको सरकार गठनको सुरुवाती चरणमा सकारात्मक रूपमा लिइएको भएपनि अब भने त्यसो गर्न नसकिने राप्रपा निर्देशन समितिको ठहर छ ।

राप्रपा संसदीय दलको बैठक भने आइतबार बोलाइएको छ । राप्रपाका प्रमुख सचेतक ज्ञानबहादुर शाहीका अनुसार प्रधानमन्त्रीको विश्वासको मतको विषयमा छलफल गर्न आइतबार बिहान ११:४५ बजे संसदीय दलको बैठक बोलाइएको छ ।