थामे बाढी प्रभावितलाई २० लाख रुपैयाँ सहयोग गर्ने काठमाडौं महानगरपालिकाको निर्णय

शुक्रबार बसेको महानगर प्रमुख बालेन्द्र शाह नेतृत्वको विपद् व्यवस्थापन समितिको बैठकले थामे बाढीबाट प्रभावितहरुका लागि खुम्बु पासाङ् ल्हामु गाउँपालिकाको कोषमा २० लाख रुपैयाँ सहयोग गर्ने निर्णय गरेको हो ।

गएको साउन ३२ गते खुम्बु क्षेत्रका हिमताल फुटेर थामे खोलामा आएको बाढीका कारण थामे गाउँका एउटा विद्यालय, एउटा स्वास्थ्य चौकी, २ वटा होटल, १३ वटा घर पूर्ण र १० वटा घरमा आंशिक रुपमा क्षति भएको थियो ।