काठमाडौँ — सेयर कारोबार मापक नेप्से परिसूचक ४ अंकले घटेको छ । नेप्से शून्य दशमलव १५ प्रतिशतले घटेर २५७६.७६ विन्दुमा सीमित भएको छ ।
आज कुल ७४ कम्पनीको सेयर मूल्य बढ्यो भने १६३ कम्पनीको मूल्य घट्यो । कुल ७ कम्पनीको सेयर मूल्य स्थिर रहृयो । आज कुल १ करोड ३९ लाख ५२ हजार १२१ कित्ता सेयर किनबेच भए ।
आज ८० हजार ३७८ पटकको सेयर किनबेचबाट ५ अर्ब ६६ करोड ९१ लाख ९४ हजार रुपैयाँ बराबरको सेयर कारोबार भयो ।
बैंकिङ र निर्जीवन बिमाबाहेक अन्य सबै उपसमूहहरु घटे । निर्जीवन बीमा २०.७८ अंक र बैंकिङ ११.१६ अंकले बढेको छ । फाइनान्स ८३.६१ अंक, उत्पादन तथा प्रशोधन ५७.१३ र माइक्रोफाइनान्स ५३.०३ अंकले घटेको छ ।
प्रकाशित : आश्विन २, २०८१ १५:२९