बंगलादेशको घटनाबाट हामीले पनि धेरै कुरा सिक्न जरुरी छ : अध्यक्ष दाहाल

सोमबार विराटनगर विमानस्थलमा संचारकर्मीसँग छिमेकी मुलुक बंगलादेशको पछिल्लो राजनीतिक घटनाक्रमबारे कुराकानी गर्दै उनले यस्तो बताएका हुन् । ‘बंगलादेशको घटनाबाट हामीले पनि धेरै कुरा सिक्न जरुरी छ,’ उनले भने ।

संविधान संशोधनको पक्षमा आफूहरू पनि रहेको तर जनताको अधिकार कटौती गर्ने प्रयत्न भए त्यसको विरोध गर्ने उनले बताए । ‘हामी संविधान संशोधनको विरोधी होइनौं,’ उनले भने, ‘तर त्यसका नाममा जनताका अधिकार कटौती हुने कुरा हामीलाई कदापि स्वीकार्य छैन ।’

उत्पीडित जाति, वर्ग, क्षेत्र र लिंगलाई अझै बढी अधिकार सम्पन्न बनाउने पक्षमा संविधान संशोधन हुनुपर्ने दाहालको धारणा थियो । अध्यक्ष दाहालले कांग्रेस र एमाले मिलेर मात्रै संविधान संशोधन सम्भव नभएको पनि बताए ।