कुर्सी भाँच्ने, प्रणाली भत्काउने शैली माओवादीको होइन : दाहाल

प्रमुख प्रतिपक्ष दलको हैसियतले प्रतिनिधिसभामा मंगलबार विशेष समय लिएर बोल्दै उनले एमाले अध्यक्ष केपी शर्मा ओली प्रधानमन्त्री भएपछि सुशासनले बाटो बिराएको, विद्युत महसुल उठाउन विवाद उन्पन्न गएको आरोप समेत लगाए ।
‘हामी रचनात्मक र सिर्जनात्मक प्रतिपक्ष बन्नेछौं, यो सम्मानित संसदमा जनताको आवाज बन्नेछौं । आफू बस्न नपाएपछि कुर्सी नै भाँच्ने, प्रणाली नै भत्काउने शैली र चरित्र हाम्रो होइन,’ उनले भने,'देशको हितमा राम्रो गर्नोस्, हामी साथ दिन्छौं । संविधान निर्माणका बेला म प्रमुख प्रतिपक्षी दलकै नेता थिएँ तर कतिपय अवस्थामा मैले सत्ता पक्षबीचमै पनि संयोजनकारी भूमिका निर्वाह गरेँ । त्यो भूमिका यो संसद र इतिहासमा लिपिबद्ध छ । शान्तिप्रक्रियाको तार्किक निरुपणमा सरकारको सकारात्मक भूमिकालाई मैले रोस्टमबाटै खुला प्रशंसा र समर्थन गरिसकेको छु ।’
उनले विश्वविद्यालयहरुमा सकारात्मक परिवर्तनका लागि अग्रसरता लिन, उद्यमशीलताका लागि आवश्यक नीतिगत र व्यवहारिक सुधारमा गर्न सुझाव दिँदै सरकारलाई अहंकार त्याग्न आग्रह गरे ।
‘सरकारका प्राथमिकताहरु विवेक होइन, अहंकार, इगो र स्वार्थसमूहको प्रभावले तय भइरहेका छन्, जनतासाग क्षमायाचनासहित सच्याउनोस् । विद्युत प्राधिकरणमा जे गर्न खोज्नुभयो र खोज्दै हुनुहुन्छ, रोक्नोस्’ दाहालको आग्रह थियो, ‘भुटानी शरणार्थी काण्डलाई जता पुर्‍याउन र इमान्दार प्रहरीलाई जसरी दण्डित गर्न खोज्दै हुनुहुन्छ, त्यो नगर्नोस् । विश्वविद्यालयमा मेरिटोक्रेसी मिच्दै हुनुहुन्छ, रोकिनोस् । गिरीबन्धुलगायतका नीतिगत भ्रष्टाचारहरुमा रफु भर्दै हुनुहुन्छ, सुध्रिनोस् । हिजो आफैं प्रधानमन्त्री हुादा बनाएका वैदेशिक श्रमका मापदण्ड मानवतस्करका लागि उल्ट्याउँदै हुनुहुन्छ, त्यता नलाग्नोस् । अझै पनि सुध्रिनोस् र सच्चिनोस् ।’