बीपी राजमार्ग नेपालकै सम्भवतः पहिलो पर्यटकीय महत्त्व बोकेको राजमार्ग हो । यसको अधिकांश भाग सिन्धुली जिल्लामा पर्छ । यस राजमार्गले महोत्तरी, धनुषा तथा काभ्रेपलाञ्चोक जिल्लालाई पनि समेट्छ । २०७२ असारदेखि सञ्चालनमा आएको १५८ किमि लामो यस राजमार्गको पहिचानार्थ सरकारले यसको राष्ट्रिय राजमार्ग संकेत ‘एच ००६’ तय गरेको छ ।
नेपाली साहित्यमा बीपी कोइराला महिला मनोविश्लेषणवादी साहित्यकारका रूपमा चिनिन्छन् । उदाहरणका रूपमा ‘सुम्निमा’, ‘मोदिआइन’, ‘कर्नेलको घोडा’जस्ता कृतिलाई लिन सकिन्छ । उनको कृतिमा यर्थाथताको विश्लेषण हुन्छ, साथै मनोविज्ञान र महिलावादी चिन्तनको दोहोरो छनक पाइन्छ । उनी कूटनीति र राजनीतिमा निकै सक्रिय भएर पनि साहित्य साधनाका लागि समय निकाल्थे ।
