कांग्रेस महाधिवेशन

हिमाली जिल्लामा दसैं अगावै जिल्ला अधिवेशन 

कांग्रेसले दसैं अगावै जिल्ला अधिवेशन सम्पन्न गर्ने निर्णय गरेको छ । १४ औं महाधिवेशनअन्तर्गत हिमाली जिल्लाहरुमा दसैं अघि र अन्यमा दसैं पछि जिल्ला अधिवेशन गर्ने निर्णय गरेको हो । 

शशांक कोइराला भन्छन्- 'केही दिनमै सभापतिमा उम्मेदवारी घोषणा गर्छु'

पूर्वप्रधानमन्त्री तथा तत्कालीन पार्टी सभापति गिरिजाप्रसाद कोइरालाको सिको गर्दै कांग्रेस महामन्त्री शशांक कोइरालाले शनिबार गृहजिल्ला नवलपुर आएर १४ औं महाधिवेशनमा पार्टी सभापतिमा लड्ने बताएका छन् । 

‘गुट’ बनाउँदै निधि

शेरबहादुर देउवापछि २०३६ सालमा नेपाल विद्यार्थी संघको अध्यक्ष बनेका विमलेन्द्र निधि लामो राजनीतिक यात्रामा देउवासँगै हिँडे । गिरिजाप्रसाद कोइरालासँगको अन्तरसंघर्ष, फरक पार्टी निर्माण र पार्टी एकीकरणपछिको गुटगत प्रतिस्पर्धामा उनी देउवा समूहका महत्त्वपूर्ण सारथि रहे । आसन्न १४ औं महाधिवेशनमा सभापतिमा उम्मेदवारी घोषणा गरेपछि भने उनले आफ्नो अलग्गै गुट निर्माण थालेका छन् ।

महाधिवेशन निष्पक्ष हुनेमा पौडेल पक्ष सशंकित

कांग्रेस सभापति तथा प्रधानमन्त्री शेरबहादुर देउवाले आफ्नो जिल्लामा ‘पेलेरै’ वडा अधिवेशन गराएपछि वरिष्ठ नेता रामचन्द्र पौडेल पक्षले महाधिवेशनको निष्पक्षतामाथि प्रश्न उठाएको छ ।

देउवालाई पौडेलको प्रस्ताव– '७५३ वटै स्थानीय तहको अधिवेशन एकैपटक गरौं'

कांग्रेसका वरिष्ठ नेता रामचन्द्र पौडेलले वडा अधिवेशन सकेर ७५३ वटै स्थानीय तहको अधिवेशन एकैपटक गर्नुपर्ने प्रस्ताव अघि सारेका छन् । पौडेलले बिहीबार बिहान सभापति एवं प्रधानमन्त्री शेरबहादुर देउवालाई बालुवाटारमा भेटेर सबै वडाको अधिवेशन सम्पन्न भएपछि मात्रै एकै दिन पालिका तहको अधिवेशन गर्नुपर्ने प्रस्ताव राखेका हुन् ।

विपक्षीलाई प्रतिवाद गर्न कांग्रेसको ‘वार रुम’

कांग्रेसले विपक्षीको प्रहारलाई प्रतिवाद गर्न 'वार रुम' गठन गरेको छ । कांग्रेसको सूचना, सञ्चार तथा प्रचार विभागको मंगलबार बसेको बैठकले विपक्षीको प्रहारलाई प्रतिवाद गर्न र पार्टीको प्रचारलाई प्रभावकारी बनाउन ‘वार रुम’ गठन गरेको हो ।

कांग्रेसको वडा अधिवेशन २० जिल्लामा अनिश्चित

क्रियाशील सदस्यताको टुंगो नलाग्दा २० जिल्लामा कांग्रेसको वडा अधिवेशन अनिश्चित भएको छ । समितिका अनुसार प्रदेश १ को मोरङ, २ का सप्तरी, सिराहा, धनुषा, मोहत्तरी, सर्लाही, रौतहट, बारा र पर्सा, लुम्बिनीका बाँके, बर्दिया र कपिलवस्तु, कर्णालीका सुर्खेत र डोल्पा तथा सुदूरपश्चिमका बाजुरा र कैलाली जिल्लामा सदस्यताको सूची अझै टुंगो लागेको छैन ।

कांग्रेस महाधिवेशन : हट्दै मनोनीत संस्कार

कांग्रेसको १३ औँ महाधिवेशनबाट सभापतिमा शेरबहादुर देउवा, महामन्त्रीमा शशांक कोइराला र कोषाध्यक्षमा सीतादेवी यादव चुनिए । तर, देउवाले सभापतिको पदभार ग्रहण गरेसँगै ती पदमा पराजित रामचन्द्र पौडेल, कृष्णप्रसाद सिटौला, अर्जुननरसिंह केसी, गगन थापा, उमाकान्त चौधरी र चित्रलेखा यादवलाई पनि केन्द्रीय सदस्य पदमा मनोनीत गरेका थिए । तर, १४ औँ महाधिवेशनपछि भने पदाधिकारीमै पराजित भए पनि केन्द्रीय समितिबाट बाहिरिनु पर्ने भएको छ । 

पुराना नेतालाई जित्नै धौधौ

फेरिएका मुद्दा र समयअनुसार सशक्त भएर अगाडि आउन नसकेका पुराना नेतालाई कांग्रेस प्रतिनिधिमा निर्वाचित हुन गाह्रो परेको छ । पूर्वस्वास्थ्यमन्त्री विपिन कोइराला सुनकोसी गाउँपालिका–१ को दुम्जाबाट क्षेत्रिय प्रतिनिधिका लागि भएको मतदानबाट तेस्रो मतसहित विजयी भएका छन् ।

प्रदेश २ मा भएन कांग्रेसको वडा अधिवेशन

प्रदेश–२ का आठवटै जिल्लामा निर्धारित तालिका अनुसार शुक्रबार वडा अधिवेशन भएन । कांग्रेस धनुषाका सभापति महेशशंकर गिरीले क्रियाशील सदस्यता सम्बन्धी विवादका कारण हाललाई अधिवेशनको कार्यक्रम स्थगित गरिएको जानकारी दिए ।

बारामा वडा अधिवेशन भएन

बारामा शुक्रबार तोकिएको कांग्रेसको वडा अधिवेशन भएन । क्रियाशील सदस्य थप्ने र नवीकरण विषयमा विवादित यो जिल्लाका सदस्यको नामावली प्रकाशन नभएकाले अधिवेशन हुन नसकेको हो ।

सभापतिमा एउटै उम्मेदवार उठाउने पौडेल पक्षको घोषणा

कांग्रेसको १४ औं महाधिवेशनको प्रक्रिया शुक्रबार वडा अधिवेशनबाट सुरु हुँदै छ । वडाबाटै आफ्ना प्रतिनिधि निर्वाचित गर्न संस्थापन र अर्को पक्षका केन्द्रीय नेताहरू लागिपरेका छन् । वडा तहबाट छानिने प्रतिनिधिले महाधिवेशनको नतिजामा प्रभाव पार्ने भएकाले नेताहरू तल्लो तहबाटै सक्रिय बनेका हुन् ।

कांग्रेसमा हरेक वडाबाट समावेशी समूहको सहभागिता अनिवार्य

कांग्रेसले छ हजार सात सय ४३ वटै वडाबाट समावेशी समूहको प्रतिनिधित्व अनिवार्य गरेको छ । निर्वाचन निर्देशिकामा संविधान र पार्टीको विधानको भावनाविपरीत कतिपय वडा र जिल्लाबाट समावेशी समूहको सहभागिता शून्य बनेको भन्दै विभिन्न भातृ संस्था र नेताहरुले विरोध गरेपछि कांग्रेसले निर्देशिकामा संशोधन गरेको हो ।

वाग्मतीका १२ सांसद्‌ले रोजे नेकपा (एस) [अपडेट]

वाग्मती प्रदेशका १२ सांसदले नेकपा एमाले पार्टी छाड्दै नवगठित नेकपा (एकीकृत समाजवादी) पार्टी रोजेका छन् । नेकपा एमालेको तर्फबाट प्रदेशसभा सदस्य भएका उनीहरुले पार्टी विभाजनसँगै मंगलबार औपचारिकरुपमा वाग्मती प्रदेश निर्वाचन आयोगको कार्यालय हेटौंडामा उपस्थित भएर नवगठित नेकपा (एकीकृत समाजवादी) पार्टी रोज्दै सनाखत गरेका हुन् ।

कांग्रेस महाधिवेशन : २० जिल्लाको सदस्यता अझै टुंगिएन

कांग्रेसले अब तीन दिनपछि वडा अधिवेशन गर्ने मिति तोकेको छ । नेताहरु अहिले पनि देशैभरि एकैसाथ वडा अधिवेशन गर्ने तयारी भएको बताइरहेका छन् । तर, अझैपनि २० जिल्लामा क्रियाशील सदस्यको टुंगो लागेको छैन । कृष्णप्रसाद सिटौला नेतृत्वको कार्यदलले सैद्धान्तिक सहमति गरेर टुंगो लगाएकासहित अन्य राजनीतिक दलबाट पार्टी परित्याग गरी कांग्रेस प्रवेश गरेकाहरुको सदस्यताको विषय टुंगिएको छैन ।

असन्तुष्ट सभापतिहरूको अनशन स्थगित

कांग्रेसको क्रियाशील सदस्यता विवाद हटेपछि स्थानीय तहका अधिवेशन भदौ १८ देखि हुने निश्चित भएको छ । सदस्यतासम्बन्धी आशंकालाई लिएर चार दिनदेखि रिले अनशनमा रहेका संस्थापनबाहेकका जिल्ला सभापतिहरूले शनिबार रातिबाटै आन्दोलन अन्त्य गरेपछि महाधिवेशनको अन्योल हटेको हो ।

कांग्रेसका थप पाँच जिल्लाका क्रियाशील सदस्यको नामावली प्रकाशित

कांग्रेसका थप पाँच जिल्लाका क्रियाशील सदस्यहरुको नामावली प्रकाशित भएको छ । केन्द्रीय निर्वाचन समितिले शनिबार थप पाँच जिल्लाका क्रियाशील सदस्यहरुको नामावली वेबसाइटमा प्रकाशित गरेको हो । 

कांग्रेसका जिल्ला सभापतिहरूले अनशन तोडे

चार दिनदेखि रिले अनशनमा रहेका कांग्रेसका जिल्ला सभापतिहरूले अनशन तोडेका छन् । शनिबार साँझ बालुवाटारमा बसेको पदाधिकारी र पूर्वपदाधिकारी बैठकले जिल्ला सभापतिहरूको माग सम्बोधन गर्ने निर्णय गरेको थियो ।

क्रियाशीलको सूचीमा जिल्ला सभापतिकै नाम नभएपछि...

कांग्रेसका संस्थापन इत्तर समूहका जिल्ला सभापतिहरुले क्रियाशील सदस्यहरुको नामावली सार्वजनिक गर्न माग गर्दै चार दिनदेखि रिले अनसन गरिरहेका छन् । संस्थापन पक्षले मनोमानी ढंगले सदस्यता थपघट गरेको भन्दै नामावली सार्वजनिक गरेर त्यसमा थपघट गर्ने मौका दिनुपर्ने उनीहरुको माग छ ।

कांग्रेस महाधिवेशनलाई कोरोनाले छेक्दैन ?

‘कोरोनाको तेस्रो लहर नेपालमा पनि छिट्टै सुरु हुने लक्षण देखिन थालेका छन् । सरकारको एक्लो प्रयासले मात्रै कोरोना महामारी नियन्त्रण सम्भव छैन । त्यसैले अत्यन्त आवश्यक परेको बेलामा मात्रै बाहिर निस्कऔं । मास्क अनिवार्य लगाऔं । भीडभाड हुने कार्यक्रम नगरौं ।’ प्रधानमन्त्री एवम् कांग्रेस सभापति शेरबहादुर देउवाले दुई साताअघि नै भिडियो सन्देशमार्फत गरेको सार्वजनिक अनुरोध हो यो ।

महाधिवेशनबारे कांग्रेस नेताहरु छलफलमा

१४ औं महाधिवेशनको संघारमा रहेको कांग्रेसका नेताहरु छलफलमा जुटेका छन् । जिल्ला सभापतिहरुको अनसन र धर्ना तथा ६ दिनपछिको वडा अधिवेशनको सन्दर्भमा नेताहरुबीच छलफल भइरहेको छ ।

समावेशीताको कसीमा कांग्रेस : महाधिवेशनपछि कस्तो बन्छ ?

कांग्रेसका संस्थापक नेता बीपी कोइरालाले ००९ सालमै दलित समुदायका धनमानसिंह परियारलाई महामन्त्री बनाएका थिए । कांग्रेसको साढे सात दशक लामो इतिहासमा दलित समुदायबाट पदाधिकारी बन्ने पहिलो र एकमात्र व्यक्ति हुन्, परियार । त्यसो त दलित समुदायकै देवव्रत परियार कांग्रेसका संस्थापकमध्ये एक थिए । कांग्रेसको स्थापना मात्रै होइन, चार वटा महाधिवेशन नै भारतमा भए । तर, त्यसबेलाको कांग्रेसमा सिंगो नेपालको अनुहार झल्किन्थ्यो । कांग्रेसको संस्थापक टिममा बीपीले मधेशका महेन्द्रनारायण निधिदेखि आदिवासी गणेशमान सिंहसम्मलाई समेटेका थिए ।

कांग्रेस महाधिवेशन : नेताहरू सम्पर्क कार्यालय खोल्दै प्रचारप्रसारमा 

कांग्रेसको १४ औं महाधिवेशनको मिति नजिकिँदै गर्दा नेताहरूले प्रचारप्रसारका लागि सम्पर्क कार्यालय खोल्ने क्रम बढाएका छन् । नेताहरूले निवासमा लाग्ने भीडलाई व्यवस्थित गर्दै चुनावी प्रचार र सचिवालय सञ्चालन गर्न सम्पर्क कार्यालयहरुलाई सक्रिय बनाएका हुन् । उपसभापति विमलेन्द्र निधिले त शुक्रबार सभापतिमा उम्मेदवारी दिने औपचारिक घोषणासहित तामझामसहित बानेश्वरमा सम्पर्क कार्यालय उद्घाटन गरेका छन् । 

कांग्रेस जिल्ला सभापतिहरूले गरे रिले अनशन घोषणा

क्रियाशील सदस्यताको सूची सार्वजनिक र निर्वाचन निर्देशिका संशोधनको माग गर्दै कांग्रेसका जिल्ला सभापतिहरूले रिले अनशन घोषणा गरेका छन् । उनीहरू पार्टी मुख्यालय सानेपामा बुधबार ११ बजेबाट २४ घण्टे रिले अनशन बस्ने भएका हुन् ।