सर्वोच्च परिसरमा प्रहरी कुटेपछि एक महिला पक्राउ

सर्वोच्च स्रोतका अनुसार फैसलाको नक्कल लिनका लागि आएको बताएपनि आफूलाई वकिल तथा वारेस बताउने ती महिलाले आफ्नो परिचय पत्र देखाउन नमानेपछि सुरुमा कर्मचारीसँग सवाल जवाफ भएको थियो । विवाद चर्किएपछि त्यहाँ पुगेका पुरुष प्रहरीलाई पनि जथाभावी बोलेपछि उनले महिला प्रहरीलाई बोलाएका थिए ।

महिला प्रहरीले उनलाई कार्यालयको कोठाबाट बाहिर निस्कन आग्रह गरिरहेकाबेला कपालमा समातेर भुत्ल्याउन थालेकी थिइन् । 'उनी हातपातमा ओर्लिएपछि थप महिला प्रहरीलाई बोलाएर नियन्त्रणमा लिइएको थियो । तर उनले हत्कडी लगाएकै समयमा पनि महिला प्रहरी कर्मचारीमाथि जाइ लागिन्,' स्रोतले भन्यो, 'त्यसपछि उनलाई सर्वोच्चमा तैनाथ प्रहरीले हिरासतमा लिएर प्रहरी वृत्त सिंहदरबारलाई बुझाएको थियो ।'

स्रोतका अनुसार प्रहरीमाथि हातपातमै उत्रिएकी चौधरीलाई नियन्त्रणमा लिन प्रहरीलाई हम्मेहम्मे परेको थियो । चौधरीको अप्रत्यासित हर्कत पछि थप जानकारी लिन त्यहाँ सर्वोच्चमा तैनाथ एसपी विनोद सिलवाल पनि पुगेका थिए ।

अभद्र व्यवहारको कसुरमा अनुसन्धान गर्न हाल सिंहदरबार वृत्तको हिरासतमा राखिएको छ ।