बयालपाटा अस्पतालले हटाइएका कर्मचारीमध्ये स्थानीयलाई पुनर्बहाली गर्ने भएको छ । आर्थिक अभावका कारण देखाउँदै अस्पतालले स्थानीयलाई मात्र पुनर्बहाली गर्न सहमति जनाएको हो । उक्त अस्पताल न्याय हेल्थ नेपालले सञ्चालन गरेको हो ।
साँफे-मार्तडी सडक अन्तर्गत बुढिगंगा नगरपालिकाको ताप्रीसेरामा अवस्थित पक्की पुल बाढीले बगाएको छ । जिल्ला भित्रिने मुख्य सडक अवरुद्ध भएपछि बाजुरा जिल्लामा यातायात सेवा ठप्प भएको छ ।
नेपाली सेनाको हेलिकप्टर मार्फत अछाममा २१ वर्षीया गर्भवतीको उद्धार गरिएको छ । पंचदेवल विनायक नगरपालिका-७ की रमना विकलाई जिल्ला अस्पताल मंगलसेनबाट हेलिकप्टर मार्फत सुर्खेत पठाइएको जिल्ला अस्पतालका डाक्टर प्रेमप्रसाद ढुंगानाले बताए ।
अछामको क्वारेन्टाइनमा मृत्यु भएका एक जनामा कोराना संक्रमण पुष्टि भएको छ । उनको गत शनिबार राति रामारोशन गाउँपालिकाको कैलाशेश्वर घट्टखेती आधारभूत विद्यालयमा निर्मित क्वारेन्टाइनमा मृत्यु भएको हो ।
अछाममा क्वारेन्टाइनमा बसेका एक जनाको मृत्यु भएको छ । रामारोशन गाउँपालिका ५ को कैलाशेश्वर घट्टेखेती आधारभुत विद्यालयको क्वारेन्टाइनमा बसेका ४५ वर्षीय पुरुषको शनिबार राति मृत्यु भएको जिल्ला प्रहरी कार्यालयका प्रहरी निरीक्षक रमेश अवस्थीले बताए ।
बयालपाटा अस्पताल प्रशासनले आत्मदाह गरेका आफ्ना कर्मचारी सिद्धार्थ आउजीको परिवारलाई राहत दिने भएको छ । जिल्लाका सरोकारवालाहरुसँगको छलफलमा राहतस्वरूप ५ लाख र आफूलाई रोजगारीको व्यवस्था गरिने बताइएको मृतककी श्रीमती गौरी आउजीले बताइन् ।
अछाममा कोभिड १९ को परीक्षणको दायरा बढाउन सकिएको छैन । मापदण्डअनुसार क्वारेन्टाइन अवधि १४ दिन र होम क्वारेन्टाइन ७ दिन बस्नु पर्ने भए तापनि अछाममा भने २४ दिनसम्म क्वारेन्टाइनमै बस्नु परेको छ ।
अछामको बयालपाटा अस्पतालले २०७५ कात्तिकमा 'सरसफाइ (स्वीपर) पदका लागि कर्मचारी आवश्यकता' भनेर विज्ञापन खुलायो । भारतमा मजदुरी गर्दागर्दा दिक्क भएर फर्किएका २४ वर्षीय सिद्धार्थ आउजीलाई यो विज्ञापनले तान्यो । उनको घर साँफेबगर नगरपालिका-६ सिद्धेश्वरबाट अस्पताल नजिकै पर्छ ।
