गत बुधबार साँझ करिब ५ बजेतिर मेल्लेख गाउँपालिका–३ ठाँटीको दर्बा टोलमा आगलागीमा दुई बालबालिकाको मृत्यु भयो । गोठमा आगो लाग्दा नन्द बुढाकी ६ वर्षीया निरुता बुढा र जगत बुढाका ३ वर्षीय छोरा अंकित बुढाको जलेर मृत्यु भएको हो ।
भौगोलिक रुपमा विकट रहेको अछाममा करिब ५५ प्रतिशत मत खसेको छ । मुख्य निर्वाचन अधिकृत पिताम्बर शर्माका अनुसार मतपेटिका संकलनको कार्य भइरहेको छ । उनले भने भने ‘सबै ठाउँमा शान्तिपूर्ण रुपमा मतदान सम्पन्न्न भएको छ । धेरै ठाउँबाट मतपेटिका उठाइएको छ ।’
अछामको तुर्माखाँद गाउँपालिकामा नेकपा (एमाले)का उम्मेदवार विजयी भएका छन् । मंगलबार बिहान सार्वजनिक अन्तिम मतपरिणामअनुसार एमालेका डम्बर बीसी ३ हजार ५ सय २३ मत ल्याएर विजयी भएका हुन् ।
चौरपाटी गाउँपालिकाको अध्यक्षमा नेपाली कांग्रेसका भीम साउद विजयी भएका छन् । उनी २०७४ को निर्वाचनमा १ मतले पराजित भएका थिए । यसपटक भने उनले १ हजार ४८६ मतान्तरले जितेका छ्न्। उनले ३ हजार ९८२ मत प्राप्त गर्दा उनका निकटतम प्रतिद्वन्द्वी नेकपा एमालेका रामबहादुर आउजीले २ हजार ५०६ मत पाए ।
स्थानीय तह निर्वाचनको जारी मतगणनाअन्तर्गत अछामका २१ वटा वडाको नतिजा सार्वजनिक भएको छ । अहिलेसम्म नेपाली कांग्रेसले ९, नेकपा एमालेले ६, नेकपा माओवादी केन्द्रले ४, नेकपा एकीकृत समाजवादीले १ र स्वतन्त्र उम्मेदवारले एक वडामा जित निकालेका छन् ।
२४.१२°C काठमाडौं
