माधव ढुंगाना

माधव ढुंगानाका लेखहरु :

बाल सुधारगृह नै अपराध र लागूऔषधको अखडा !

सिद्धार्थनगर नगरपालिका–७ स्थित गार्गीपथका महिला हूल बाँधेरै गत मंगलबार जिल्ला प्रशासन कार्यालय पुगे । उनीहरूको एकसूत्रीय माग थियो– टोलमा रहेको बाल सुधारगृह अन्तै सारियोस् । सुधारगृहमा राखिएका बालक/किशोरबाट स्थानीय किशोरी असुरक्षित रहेको र भित्र अवाञ्छित गतिविधि बढिरहेकाले त्यसको असर समुदायमा देखिएको उनीहरूको भनाइ छ ।

बजेटको कर नीतिविरुद्ध रुपन्देहीका उद्योगी र मजदुर सडकमा

स्टिल तथा वायर उद्योगमा प्रयोग हुने विभिन्न कच्चा पदार्थको आयातमा विभेदकारी व्यवस्था गरिएको भन्दै बिहीबार रुपन्देहीका उद्योगी र मजदुरले विरोध प्रदर्शन गरेका छन् । स्टिल र वायर उत्पादनका लागि आयात हुने कच्चा पदार्थ फलामे बिलेट्स र स्पन्ज आइरनमा लाग्ने भन्सार तथा अन्तशुल्क दरको व्यवस्था विभेदकारी भएको जनाउँदै उद्योगी/मजदुरले उक्त असमान विभेदकारी व्यवस्था हटाउन माग गरेका हुन् । 

भैरहवामा खुल्यो वैदेशिक रोजगार व्यवस्थापन शाखा 

वैदेशिक रोजगारीमा जाने नेपाली श्रमिकको सुविधाका लागि भैरहवामा ‘वैदेशिक रोजगार व्यवस्थापन शाखा’ को स्थापना गरिएको छ । यो शाखा संचालनमा आएपछि वैदेशिक रोजगारीमा जाने नेपाली श्रमिकलाई श्रम सम्बन्धी आवश्यक प्रकृया पुरा गराउन काठमाडौंमा पुग्नु पर्ने बाध्यता अन्त्य भएको छ । 

बुटवल–लुम्बिनी प्रसारण लाइन वैशाख अन्तिमबाट

रूपन्देहीको भैरहवा र आसपासका व्यवसायी र सर्वसाधारणले वर्षौंदेखि भोग्दै आएको विद्युत् अभावको समस्या छिट्टै समाधान हुने भएको छ । बुटवल–लुम्बिनी १ सय ३२ केभी प्रसारण आयोजना सञ्चालनमा आउन लागेकाले विद्युत् अभाव समाधान हुने लगानीकर्ताको अपेक्षा छ । आयोजनासँगै नेपाल–भारतबीच विद्युत् व्यापारका लागि संरचना पनि तयार हुनेछन् । त्यसपछि नेपालले भारतलाई विद्युत् बिक्री गर्नेछ । एक महिनाभित्र आयोजना सञ्चालनमा ल्याउने तयारी छ ।

बुटवलमा भन्सार छलीको जुत्तासहितको गाडी नियन्त्रणमा            

भन्सार छलेर नेपाल भित्र्याइएको करिब ९ लाख रुपैयाँका भारतीय विभिन्न ब्राण्डका जुत्तासहित गाडी रुपन्देही प्रहरीले आइतबार बिहान नियन्त्रणमा लिएको छ । 

राजनीतिको मूलधारमा आउन गृहमन्त्री खाँणको आह्वान

गृहमन्त्री बालकृष्ण खाँणले सबै राजनीतिक शक्ति तथा दललाई राष्ट्रिय राजनीतिको मूलधारमा आउन आह्वान गरेका छन् । नेपाली कांग्रेस रुपन्देहीद्वारा बुधवार भैरहवामा आयोजित पार्टी कार्यकर्ता सम्मान कार्यक्रममा बोल्दै गृहमन्त्री खाँणले दिवंगत नेता गिरिजाप्रसाद कोइरालाकै पहलमा तत्कालीन नेकपा (माओवादी) सँग बृहत् शान्ति सम्झौता भएको प्रसंग उल्लेख गरे ।

थलिँदै मर्चवार लिफ्ट आयोजना

मर्चवार क्षेत्रको विकासको सूचक मानिएको ‘मर्चवार लिफ्ट आयोजना’ राजनीतीकरण र कुशल व्यवस्थापनको अभावले थलिएको छ । रूपन्देहीकै उर्वर खेतीयोग्य समथर भू–भाग मर्चवार क्षेत्रलाई सिञ्चित गरेर कृषि उत्पादन बढाउन आयोजनाको निर्माण गरिएको थियो । त्यस क्षेत्रको गरिबी र आर्थिक पछौटेपनलाई कृषिको माध्यमबाट हटाउन तीन दशकअघि १८ करोड रुपैयाँ खर्चेर निर्माण गरिएको आयोजनाका धेरै संरचना अहिले बेवारिसे बनेका छन् ।

फाइल ट्य्राकिङ प्रणालीले झन्झटमुक्त

बुटवल उपमहानगरपालिका–११ देवीनगरका श्रीधर न्यौपाने भैरहवास्थित नापी कार्यालयमा ४५ मिनेटभित्रै आफ्नो काम भएको देख्दा दंग परे । उनले विगतमा कार्यालयमा निकै ढिलासुस्ती हुने गरेको अनुभव गरेका थिए ।