मेखराज उदय

हाम्रो मुलुक अस्थिरता, अविकास, अक्षमता, असमावेशिताजस्ता मूलभूत समस्यासँग संघर्षरत छ । युवामा भविष्यप्रतिको चिन्ता छ । यस्तो नैराश्यको मूल कारण र आधार के हो ? समाजमा द्वन्द्व, मतभिन्नता, अग्रगमनतर्फको प्रयास निरन्तर चलिरहन्छ ।

नेपाली कांग्रेस र नेकपा एमालेबीच सत्ता गठबन्धन बनेको छ । सहमतिबमोजिम एमाले अध्यक्ष केपी शर्मा ओली मुलुकको प्रधानमन्त्री बनिसकेका छन् भने ओली नेतृत्वको सरकारमा कांग्रेसलगायतका दलहरू सहभागी भएका छन् । अनपेक्षित पहिलो र दोस्रो ठूला दलबीच गठबन्धन बन्नुका कारण, त्यसका असर तथा चुनौतीका सम्बन्धमा बहस गर्दै गरौंला । यो आलेख कांग्रेस–एमाले गठबन्धन बन्नुमा जबर्जस्त महत्त्वपूर्ण बनाइएको संविधान संशोधनको मुद्दाका सम्बन्धमा केन्द्रित रहनेछ ।