चन्द्रप्रसाद ढकाल

चालु आर्थिक वर्ष २०८०/८१ को सात महिना बित्दा सरकारी राजस्व परिचालन लक्ष्यको करिब ४० प्रतिशत छ । विकास बजेटको खर्च २० प्रतिशत हाराहारीमा छ । विदेशी अनुदानतर्फ लक्ष्यको साढे ५ प्रतिशत मात्र प्रगति भएको देखिन्छ । साधनस्रोत अभावका कारण विकास तथा अन्य आयोजनाले गति लिन सकेका छैनन् ।

आर्थिक वर्षको सुरुआतमा बाह्य क्षेत्रको सुधार र सरकारले संकट टार्न बजेटबाट लिएका नीतिहरूले अर्थतन्त्रमा सुधारका अस्थायी संकेतहरू देखिएका थिए ।

भैरहवामा अन्तर्राष्ट्रिय विमानस्थल तयार भएर हामीले उडान सुरु भए पनि बन्द हुनपुग्यो । सरकारले ठूला आयोजना सुरु गर्दा मन्त्रालय–मन्त्रालयबीच नै समन्वय हुँदैन । मन्त्रालय र सम्बन्धित विभागबीच समन्वय भएन । मन्त्रालय र सरोकारवालाबीच समन्वय हुँदैन । त्यो नहुँदा समस्या हुन्छ  ।