आशिष गजुरेल

आशिष गजुरेलका लेखहरु :

प्राथमिकतामा परोस् सार्वजनिक यातायात व्यवस्थापन

सरकारले ढिलै भए पनि काठमाडौं उपत्यका सार्वजनिक यातायात (व्यवस्थापन) प्राधिकरण ऐन जारी गरेको छ । सरकारको साझा न्यूनतम कार्यक्रममा पनि यो विषय आएको छ । यसले उपत्यकामा अव्यवस्थित र जटिल बन्दै गएको सार्वजनिक यातायातलाई सुव्यवस्थित र भरपर्दो बनाउन चाहिने स्वतन्त्र निकायका रूपमा काठमाडौं उपत्यका सार्वजनिक यातायात प्राधिकरण गठनको ढोका खोलेको छ ।

घोषणापत्रमा मात्र सीमित नहोस् रेल विकास

संघीय तथा प्रदेश सरकारका नीति तथा कार्यक्रमदेखि राजनीतिक दलहरूका घोषणापत्रसम्म पढ्ने हो रेलबारेका योजना प्रायः छुटेको पाइँदैन । जुनसुकै पूर्वाधार बहसमा पनि रेल प्राथमिकतामै पर्छ । लामो समयदेखि राजनीतिक संक्रमणमा गुज्रेको नेपालमा यस्ता पूर्वाधारबारे बहस हुनु सकारात्मक कुरा हो जसले समृद्धिको चाहनाको संकेत गर्छ । नेपालको स्थल यातायातमा सबैभन्दा कम उपयोग भएको साधन भएकाले पनि रेलप्रति आम तहमै विशेष कुतूहल छ । 

ट्राफिक जाम व्यवस्थापनका उपाय

विश्वका अधिकांश ठूला सहरको एउटा प्रमुख समस्या हो, ट्राफिक जाम । वर्ल्ड इकनमिक फोरमका अनुसार रुसको मस्को, भारतको मुम्बई, कोलम्बियाको बोगोटा र फिलिपिन्सको मनिला ट्राफिक जामले सबैभन्दा बढी आक्रान्त सहर हुन् । जनसंख्या र सवारी संख्याको वृद्धिको व्यवस्थापनमा चुक्दा ट्राफिक जाम जन्मिने हो ।

सार्वजनिक यातायात सुधारको बाटो

नेपाल विश्वमै सबैभन्दा सस्तो सार्वजनिक यातायात भएको देशमध्ये पर्छ । यसबाट हामीलाई खुसी लाग्न सक्छ । तर यसको अर्को पाटो पनि छ— गुणस्तरीय सार्वजनिक यातायात, जसमा भने नेपाल निकै पछि छ । सार्वजनिक यातायात सस्तो भएर मात्र पुग्दैन त्यो सुलभ, भरपर्दो, सुरक्षित र आरामदायी पनि हुनुपर्छ ।