अधिकांश देशले जलस्रोतमा अभूतपूर्व दबाब महसुस गर्न थालेका छन् । विश्वव्यापी जनसंख्या द्रुत गतिमा बढिरहेको छ र सन् २०३० सम्ममा विश्वले माग र पानीको उपलब्ध आपूर्तिबीच ४० प्रतिशत कमीको सामना गर्ने अनुमान गरिएको छ । खडेरीलाई विश्वव्यापी समृद्धि र स्थिरताका लागि सबैभन्दा ठूलो खतराका रूपमा लिइएको छ ।
भूमिगत पानीको उपयोग विश्वव्यापी समस्याका रूपमा देखा परिसकेको छ । पानीको विकल्प पानीबाहेक केही हुन्न । ‘पिउन लगायत विविध प्रयोगका लागि भूमिगत पानी महत्त्वपूर्ण स्रोत हो र यो दूषित भयो भने सफा गर्न धेरै महँगो र गाह्रो हुन्छ ।’
