हामी जलवायु संकटबाट गुज्रिरहेका छौं भन्ने महसुस गर्ने समय आएको छ । पछिल्लो वर्ष विश्वव्यापी रूपमै जलवायुका कारण उत्पन्न विपद्हरूको चरम रूप देखियो । अपत्याशित वर्षाले युरोपका विभिन्न देशमा ठूलो क्षति पुर्यायो ।
नेपालमा सन् २००६ मा पहिलोचोटि डेंगीको प्रकोप हुँदा ९ जिल्लामा ३२ जना मात्र संक्रमित भएका थिए भने २०१९ मा ६८ जिल्लामा १८ हजारभन्दा बढी संक्रमित भएको २०२१ मा बीएमसीको ‘गरिबीका संक्रामक रोगहरू’ जर्नलमा छापिएको लेखमा उल्लेख छ । २०१६ का तुलनामा, डेंगीका संक्रमितहरू २०१८ मा पाँच गुणा र २०१९ मा करिब १४० गुणा बढी थिए ।
