प्रकाश पोख्रेल

बढ्दो बौद्धिक जनशक्ति पलायन मुलुकका लागि ठूलो चुनौतीको विषय बन्दै गएको छ । हरेक वर्ष एक लाखभन्दा बढी विद्यार्थी वैदेशिक शिक्षाका लागि बाहिरिने गरेको अध्यागमन विभागको तथ्यांकले देखाउँछ । सन् २०२२ मा ९५ मुलुकतर्फ १ लाख १ हजार २ सय ४६ र सन् २०२३ मा १ लाख ५ हजार १ सय २३ विद्यार्थी नेपालबाट बाहिरिएका छन् ।

नेपालमा सरकारी जागिरलाई सम्मानित तथा सुरक्षित पेसाका रूपमा हेरिँदै आएको पाइन्छ । सरकारी सेवाप्रति आकर्षणका कारण धेरै छन् । तथापि लोक सेवा आयोगको परीक्षा प्रणालीको निष्पक्षताले पहुँचबाट वञ्चित क्षमतावान् युवा वर्गलाई आकर्षण गरिरहेको यथार्थलाई नकार्न सकिँदैन ।