पार्क थेयङ

नेपालमा आगामी वैशाख १६ र १७ (अप्रिल २८ र २९) गते काठमाडौँमा आयोजना हुन लागेको तेस्रो लगानी सम्मेलनले नेपालको आर्थिक-सामाजिक रुपान्तरणमा महत्त्वपूर्ण भूमिका खेल्नेछ भन्ने लागेको छ।

म नेपाल आएको वर्ष दिन पुग्न केही महिना मात्रै बाँकी छ । नेपालमा रहँदा, यहाँका मानिससँग भेटघाट गर्दा स्वयंलाई नेपाली भएको महसुस हुन्छ । भौतिक दूरीका हिसाबले नेपाल र कोरिया टाढा रहेका मुलुक भए पनि रहनसहन, खानपान, बोलीचालीमा शिष्टता, परिवारलाई उच्च महत्त्व दिने संस्कारमा दुई देशबीच समानता रहेका छन् ।

म राजदूत भएर नेपाल आएको पनि पाँच महिना पुगेको छ । यस अवधिमा नेपाललाई नजिकबाट नियाल्ने अवसर मिल्यो । दक्षिण कोरिया र नेपालबीच विभिन्न पक्षमा समानता पाउन सकिन्छ । नेपाली जनताको मिहिनेती र लगनशील स्वभाव कोरियालीसँग मिल्दोजुल्दो छ ।