३०.१२°C काठमाडौं
काठमाडौंमा वायुको गुणस्तर: १५९

कविता बाहिङ

कविता बाहिङ डिजिटल अधिकार र महिला अधिकार अभियानमा सक्रिय छन् ।

कविता बाहिङका लेखहरु :

इन्टरनेटमा पहुँचको सवाल

इन्टरनेट प्रविधि आजको युगको अकाट्य वास्तविकता हो । जोडिन खोज्ने वा टाढिन खोज्ने सबै प्रत्यक्ष–अप्रत्यक्ष यसबाट प्रभावित भइरहेका छन् । हाम्रो दैनिक जीवनदेखि विकासका हरेक कदम यिनैद्वारा निर्देशित हुँदै गएको छ । यस अर्थमा इन्टरनेट प्रविधिमा पहुँच आजको प्रमुख एजेन्डा बनिरहेको छ । यहाँ पहुँचलाई साथमा मोबाइल फोन हुनुमा मात्र सीमित नराखी तिनको निःसर्त स्वायत्त पहुँचलाई व्याख्या गर्न खोजिएको छ । 

हिंसा : अभिव्यक्ति नियन्त्रणको औजार 

सीमान्तकृत समूहसँग काम गर्दा र आफू पनि त्यही समूहको प्रतिनिधि भएकाले इन्टरनेट धेरैका लागि सुरक्षित, स्वतन्त्र र सहज स्थान भएको अनुभव गरेकी छु, जहाँ उनीहरूले आफ्ना लागि सुरक्षित स्थान र समुदाय पाएका छन् । आफ्नो पहिचान र प्रस्तुतिको स्वीकार्यता पाएका छन् । निर्धक्क आफू भएर बाँच्न पाएका छन् । हुन पनि सांगठनिक स्वतन्त्रता, अभियान विकास र विस्तार फेमिनिस्ट इन्टरनेट सिद्धान्तको महत्त्वपूर्ण पाटो हो ।

फेमिनिस्ट इन्टरनेट र प्रविधि

अहिले इन्टरनेट तथा प्रविधि सबैका लागि निःसर्त अधिकार हो, विलासिता होइन । सूचना प्रविधिको युगमा इन्टरनेट एक शक्ति हो । मूलधारमा स्थान नपाउने बहिष्करणमा पारिएका सीमान्तीकृत समुदाय र उनीहरूका मुद्दा सम्प्रेषणका लागि त झन् प्रभावकारी माध्यम र औजार दुवै हो । यो समाजको संरचनामा आफ्नो उपस्थिति र मुद्दा दाबी गर्ने दरिलो थलो हो ।