ईश्वरी भट्टराई

आर्थिक वर्ष २०५१–५२ देखि सुरु गरिएको ‘सांसद विकास कोष’ समयसमयमा स्थगित गर्दै र नाम परिवर्तन गर्दै नेपाल सरकारको बजेट तथा योजनामा ब्युँताउने गरिएको छ । कहिले ‘निर्वाचन क्षेत्र विकास कोष’, कहिले ‘स्थानीय पूर्वाधार विकास साझेदारी कार्यक्रम’ त कहिले ‘निर्वाचन क्षेत्र पूर्वाधार विकास कार्यक्रम’ हुँदै आर्थिक वर्ष २०८०–८१ को बजेटमा ‘संसदीय क्षेत्र पूर्वाधार विकास कार्यक्रम’ का नामले पुनः ब्युँताइएको छ ।