गजेन्द्र बुढाथोकी

नेपालको अपांगता मामिलाका कुरा गर्दा संख्याकै विषयमा विभिन्न मतभेद पाइन्छ । जनगणना २०७८ ले कुल जनसंख्याको २.२ प्रतिशत जनसंख्यामा कुनै न कुनै प्रकारको अपांगता भएको वा ६ लाख ४७ हजार ७५५ जनामा अपांगता रहेको देखाएको छ । जबकि नेपाल जनसंख्या तथा स्वास्थ्य सर्भे–२०२२ ले कुल जनसंख्याको ६.७ प्रतिशतमा कुनै न कुनै प्रकारको अपांगता विद्यमान रहेको देखाएको छ ।

नेपालमा अपांगताका सवालमा निकै कम मात्रै सार्वजनिक छलफल र बहसहरू हुने गरेका छन् । अझ खास गरी संसद् र सरकारका गतिविधिहरूमा यस्तो बहसले निकै कम ठाउँ पाउँछ ।