पछिल्ला आठ महिनामा नेपालले ९ खर्ब ६१ अर्बभन्दा बढीको विप्रेषण भित्र्याएको छ । यो गत वर्षको तुलनामा २१ प्रतिशतले बढी हो । बढ्दो विप्रेषणसँगै जोडिएर आउने विषय हो–श्रम आप्रवासन । राष्ट्रिय अर्थतन्त्र विप्रेषणमा निर्भर रहेको अवस्था भए पनि आप्रवासी कामदारको हकहितको पछिल्लो अवस्था र यो क्षेत्रमा देखिएका गतिशीलतालाई समेट्ने श्रम आप्रवासन नीति नहुनुले वैदेशिक रोजगारमा जाने नेपाली कामदारको अवस्था राज्यविहीन सरह बनेको छ ।
