जे पाण्डे

जे पाण्डेका लेखहरु :

ट्यांकी बन्यो, पानी आएन

सीमावर्ती जयसपुर मन्त्री मोहम्मद इस्तियाक राईको गाउँ हो । तर, गाउँमा थालिएका खानेपानी योजना अलपत्र हुँदा स्थानीय लामो समयदेखि शुद्ध खानेपानीबाट वञ्चित छन् । ‘ट्यांकी निर्माण गरियो, पाइलाइन विस्तार भइसकेको छैन । नेताहरू नै योजनाका बाधक बनेका छन्,’ जयसपुर खानेपानी सरसफाइ व्यवस्थापन समितिका अध्यक्ष बाकर अली राईले भने, ‘मन्त्रीकै गाउँमा २ सय घरधुरीका बासिन्दाले पानी खान पाएका छैनन् । यो त ठूलो विडम्बना हो ।’

भारतीय कार चढेर अभियुक्त अदालतमा

निक्षेपकर्ताको ५८ करोड रुपैयाँ अपचलन गरेको अभियोगमा प्रहरीले मुद्दा चलाएपछि फरार रहेका सहकारी वित्तीय विकास संस्था लिमिटेडका अध्यक्ष हरदेबक्स चौधरी भारतीय नम्बर प्लेटको गाडी चढेर जिल्ला अदालत आउजाउ गर्दै आएको पाइएको छ ।

मतदाता प्रभावित पार्न शिलान्यास र उद्घाटन

चुनाव नजिकिँदै गर्दा संघीय र प्रदेश सरकारका मन्त्रीहरू मतदाता प्रभावित गर्ने गरी विभिन्न योजनाको शिलान्यास र उद्घाटन गर्ने होडबाजीमा लागेका छन् । मन्त्रीहरूले पुल र सरकारी कार्यालयको शिलान्यास र उद्घाटनमा लागेका हुन् ।

पहाडमा फैलिँदै डेंगु

ज्वरो आउने, टाउको दुख्ने भएपछि रुकुम पूर्वका ५९ वर्षीय सेतानन्द जैसी चार दिनपछि जिल्ला अस्पताल पुगे । परीक्षणबाट डेंगु संक्रमण पुष्टि भयो । दुई रात तीन दिनको अस्पताल बसाइपछि घर फर्किएका उनलाई अहिले पनि हिँडडुल गर्दा रिंगटा लाग्छ । ‘यसले ज्यान धेरै दुख्ने रहेछ,’ उनले भने, ‘शरीर निकै गलाएको छ ।’

कार्यालय उद्घाटन, सञ्चालनको टुंगो छैन

भूमि व्यवस्था, सहकारी तथा गरिबी निवारण मन्त्री, मन्त्रालयका सचिव, भूमि व्यवस्थापन तथा अभिलेख विभाग र नापी विभागका महानिर्देशक नै आएर उद्घाटन गरेको नापी र मालपोत कार्यालय पूर्वाधार र कर्मचारी अभावमा सञ्चालन हुन सकेका छैनन् । निर्वाचन केन्द्रित भएर भौतिक पूर्वाधार र जनशक्तिबिनै कार्यालय उद्घाटन गरिएकाले सञ्चालन हुन नसकेका हुन् ।

राप्तीमा तटबन्ध बनाउन साढे १० अर्ब दिँदै भारत

डुबान, कटान र पटानले संकट निम्त्याउँदै आएको जिल्लास्थित राप्तीमा ४१ किमि पक्की तटबन्ध निर्माण गर्न भारत सरकार सहमत भएको छ । भारतको जल संसाधन, नदी विकास एवं गंगा संरक्षण विभागले नेपाल–भारत सीमादेखि उत्तर राप्तीका दुवै किनारमा तटबन्ध निर्माण गर्न प्राविधिक अनुगमनसहित लाग्ने खर्च १० अर्ब ४४ करोड ८० लाख रुपैयाँ अनुदान सहयोग दिने भएको छ । निर्माणका क्रममा १ अर्ब रुपैयाँ नेपाली पक्षले बेहोर्नुपर्ने सम्झौता भएको छ ।

सहरमा डुबानको ‘कहर’

पश्चिमको प्रमुख सहर नेपालगन्ज डुबानमा पर्दै आएको छ । पानीको प्राकृतिक प्रवाह अवरुद्ध हुँदा समस्या जटिल बन्दै गएको हो । ढल तथा नाली फोहोरले पुरिएपछि पानीले निकास नपाउँदा बजार र बस्ती ताल बन्ने गरेका हुन् । वर्षामा विपत्तिको डर भएपछि कतिपय बासिन्दा विस्थापित हुने अवस्थामा पुगेका छन् । ८५.९४ वर्ग किलोमिटर क्षेत्रफलमा रहेको नेपालगन्जमा १ लाख ६६ हजार २ सय ५८ बासिन्दा छन् । उनीहरू डुबानमुक्त छैनन् ।

होल्डिङ सेन्टर प्रयोगविहीन

कोरोना भाइरस संक्रमणको पहिलो र दोस्रो लहर यहाँका सरकारी अस्पतालको क्षमताले थेग्न नसक्ने गरी भयावह रूपमा फैलियो । सरकारी स्तरको एउटा भेरी अस्पताल अस्तव्यस्त भएपछि सीमा क्षेत्रमा संक्रमितलाई राखेर उपचार गर्ने भनी होल्डिङ सेन्टर निर्माण गरिएको थियो । २९ करोड ३८ लाख रुपैयाँमा निर्माण सकेको ठेकेदार कम्पनीले सेनालाई भवन हस्तान्तरण गरिसकेको छ । तर, सेनाले केन्द्र, प्रदेश र स्थानीयमध्ये कुन सरकारलाई हस्तान्तरण गर्ने भन्ने अन्योलले सेन्टर प्रयोगविहीन बनेको छ ।

नक्कली युरेनियमबाट ठगी धन्दा

तराईको सीमावर्ती क्षेत्रबाट नक्कली युरेनियम तस्करी हुँदै आएको छ । नक्कली युरेनियमको ठगी धन्दामा संलग्न चार जनालाई प्रहरीले नियन्त्रण लिएर अनुसन्धान गर्दा यसको तस्करी तथा ठगी धन्दाको रहस्य खुलेको हो । जानकी–२, बोगटिया गाउँ हुँदै दक्षिण भारततिर जाँदै गरेको रातो नम्बर प्लेटको स्कार्पियोमा युरेनियम लगिंदैछ भन्ने सूचनाका आधारमा प्रहरीले शनिबार ४ जनालाई नियन्त्रणमा लिएको हो ।