जर्जियाको राजधानी टिब्लिसीदेखि झन्डै ६५ किलोमिटर उत्तरपश्चिम दूरीमा छ– गोरी सहर, जुन सोभियत युनियनका नेता जोसेफ स्टालिन (सन् १८७८) को जन्मस्थान हो । यहाँदेखि दस किलोमिटर पूर्वमा छ– विश्व सम्पदामा सूचीकृत प्राचीन सहर अप्लिसिखे अर्थात् केभ टाउन । मत्खभरी नदी किनारमाथिको उचाइमा अवस्थित खुइलो चट्टानी पहाड हो यो । अभिलेखले भन्छन्– सुरुवाती चरणको आइरन युगमा फलामको धारिलो हतियारले काटेर यो सहर निर्माण भएको हो । पुरातत्त्वविद्हरू यो स्थानलाई जर्जिया तथा युरोपकै सबैभन्दा पहिलो मानवनिर्मित व्यवस्थित सहर भन्छन् । यो सहर स्थापना गराउने श्रेय कार्टलोसका नाति, स्खेताका छोरा अपलोसलाई जान्छ ।
ममोहन श्रेष्ठको किताब ‘काठमाडौं–पेरिस–काठमाडौं बस र रेल यात्रा’ ले पाठकलाई सन् १९७० को समाज र त्यसबेलाका मान्छेको कथा भन्छ । यो हिप्पीकालीन समयको एक साहसिक नेपाली केटोको रोमाञ्चक यात्रा हो ।
